रत्नागिरी :बहुजननामा ऑनलाईन – FB Account Cloning | सध्या फेसबुक अकाऊंटचे क्लोनिंग (FB Account Cloning) करून मित्रयादीतील लोकांकडे पैसे मागण्याचे प्रकार सातत्याने घडत आहेत. याचा फटका आता रत्नागिरी जिल्हाधिकार्यांनाही (Ratnagiri Collector) बसला आहे. एका हॅकरने चक्क रत्नागिरीच्या जिल्हाधिकार्यांचे फेसबुक अकाऊंट हॅक केले. आता या अकाऊंटवरून पैशांची मागणी होऊ लागल्याने एकच खळबळ उडाली आहे.
दरम्यान, हा प्रकार उघडकीस आल्यानंतर जिल्हाधिकारी डॉ. बी. एन. पाटील (Ratnagiri Collector Dr. B.N. Patil) यांनी लोकांना आवाहन केले आहे की, पैशांची मागणी करणारे मॅसेज ज्यांना येतील त्यांनी जवळच्या पोलीस स्थानकात संपर्क साधावा. यासंदर्भात जिल्हाधिकारी कार्यालयाकडून शनिवारी रात्री उशिरा माहिती देण्यात आली.
Join our Whatsapp Group, Telegram, and facebook page for every update
याबाबत माहिती देण्यात आली की, रत्नागिरी जिल्हाधिकारी बी. एन. पाटील यांच्या सरकारी अधिकृत Collectorate Ratnagiri या फेसबुक अकाउंटचे बनावट खाते तयार करून संबंधित व्यक्ती जनतेकडे पैशाची मागणी करत आहे. संबंधित अकाउंट बनावट असून ब्लॉक करून मेसेज आल्यास नजीकच्या पोलिस स्थानकाशी संपर्क साधावा.
अज्ञात व्यक्तीने Collectorate Ratnagiri या नावे बनावट अकाउंट तयार केले आहे.
ही व्यक्ती आता रत्नागिरी जिल्ह्यातील नागरिक, आधिकारी यांना फ्रेंड रिक्वेस्ट पाठवून त्यांच्याकडे पैशाची मागणी करत आहे.
रुग्णालयात असल्याने पैशाची आवश्यकता आहे.
अशा आशयाचे मेसेज मेसेंजर द्वारे अज्ञात व्यक्ती (FB Account Cloning) पाठवत आहे.
Web Title : FB Account Cloning | ratnagiri collector facebook account hacked demand for money from hackers.