मुंबई : बहुजननामा ऑनलाईन – लोकसभा निवडणूका डोळ्यासमोर ठेऊन धनगर समाजाच्या मतावर डोळा ठेऊन आरक्षणाऐवजी आदिवासी समाजाच्या योजनांना धक्का न लावता राज्यात पहिल्या टप्प्यात १० हजार घरकुले. ठिकाणी १० स्वतंत्र शासकीय आश्रमशाळा. प्रत्येक विभागात विद्यार्थी वसतीगृह. प्री मॅट्रिक शिष्यवृत्ती. भूमिहीनांना जमीन खरेदीसाठी अर्थसाह्य आदी महत्वपूर्ण योजना मुख्यमंत्री देवेंद्र फडणवीस यांनी धनगरांसाठी घोषित केल्या आहेत.
धनगर समाजाचा आरक्षणाचा मुदा गरम असताना मुख्यमंत्र्याच्या अध्यक्षतेखाली शनिवारी सह्याद्री अतिथीगृहामध्ये धनगर आरक्षणावर बैठक आयोजित करण्यात आली होती. अहिल्यादेवी होळकर मेंढी व शेळी विकास महामंडळाचा विस्तार करण्यात आला. अहिल्यादेवी होळकर उद्योजकता विकास तथा मेंढी व शेळी महामंडळ असे नामकरण करण्यात आले. तसेच सोलापूर विद्यापीठास पुण्यश्‍लोक अहिल्यादेवी होळकर यांचे नाव देण्याचा प्रलंबित राहिलेला प्रश्न मार्गी निगाला.
वरील सर्व सवलती ह्या आदिवासी समाजाच्या निधीला व आरक्षणाला धक्का न लावता धनगर समाजाला दिल्या जातील. ज्या ठिकाणी धनगर समाजाची लोकसंख्या जास्त आहे. तेथील चराई क्षेत्र राखीव ठेवण्यास मान्यता दिली आहे.मुख्यमंत्र्याच्या अध्यक्षतेखाली झालेल्या महत्वपूर्ण बैठकीत अनेक महत्वाचे निर्णय घेणयात आले. त्यावेळी महसूल मंत्री चंद्रकांत पाटील. पशुसंवर्धन मंत्री महादेव जानकर. उद्योगमंत्री सुभाष देसाई. जलसंधारण मंत्री प्रा.राम शिंदे. आदिवासी विकास मंत्री विष्णू सवरा. आरोग्य मंत्री एकनाथ शिंदे. कामगार मंत्री संभाजी पाटील निलंगेकर. गृहनिर्माण मंत्री प्रकाश मेहता आदी उपस्थित होते.
