नवी दिल्ली : वृत्तसंस्था – पतांजलिच्या ‘कोरोनिल’ औषधासंदर्भात समाजात चुकीची माहिती पसरवल्या वरून योगगुरू बाबा रामदेव Baba Ramdev यांना दिल्ली उच्च न्यायालयाने समन्स बजावले आहेत. यावरून आता बाबा रामदेव Baba Ramdev यांच्या अडचणीत वाढ झाल्याचे दिसते.
अॅलोपथी उपचारांबाबत केलेल्या वादग्रस्त वक्तव्याचं प्रकरण सध्या चर्चेत असताना आणखी एक पेच बाबा रामदेव समोर निर्माण झाला आहे. बाबा रामदेव विरोधात दिल्ली मेडिकल असोसिएशनकडून ‘पतांजलि’कडून ‘कोरोनिल’ बाबत चुकीची माहिती देण्यापासून रोखण्यासाठी उच्च न्यायालयात याचिका दाखल करण्यात आली होती. या पार्श्वभूमीवर बाबा रामदेव यांच्या वकिलांना न्यायालयाने आगामी सुनावणीपर्यंत ‘पतांजलि’नं ‘कोरोनिल’ बाबत सार्वजनिक पातळीवर कुठलंही वक्तव्य करू नये असं कोर्टाने म्हटलं आहे. याबाबत आगामी सुनावणी १३ जुलै रोजी होणार असल्याचं कोर्टाने स्पष्ट केलं आहे.
या दरम्यान, अॅलोपथी उपचारांना मूर्ख विज्ञान ठरवून वादग्रस्त विधान बाबा रामदेव यांनी केलं होत. यानंतर भारतातील डॉक्टरांनी बाबा रामदेव यांच्या वक्तव्याचा जोरदार निषेध व्यक्त केला. याबाबत इंडियन मेडिकल असोसिएशननं (IMA) पंतप्रधान नरेंद्र मोदी यांनाही पत्र लिहून बाब रामदेव यांनी केलेल्या विधानावरुन नाराजी व्यक्त केली होती. केंद्रीय आरोग्यमंत्री डॉ. हर्षवर्धन यांनीही बाबा रामदेव यांना पत्र लिहून डॉक्टरांप्रती केलेले वक्तव्य मागे घेण्याच्या सूचना दिल्याने त्यांनी आपलं विधान मागे घेतलं होतं.
कृपया हे देखील वाचा:
‘गोल्डमॅन’ दत्ता फुगे यांच्या खून प्रकरणातील आरोपींसह तिघांकडून पिस्तूल आणि काडतुसे जप्त
10 वी च्या परीक्षा होणार नाहीत हे जवळपास निश्चीत, उच्च न्यायालयातील याचिका मागे
महिलांना अश्लील व्हिडीओ दाखवून विनयभंग करणारा चहावाला ‘गोत्यात’; पिंपरीतील घटना