नवी दिल्ली : वृत्तसंस्था – Dak Mitra Seva | माहिती आणि तंत्रज्ञान मंत्रालयाचे (IT Ministry) एक युनिट असलेल्या कॉमन सर्व्हिस सेंटर (Common Service Centre) ने पोस्ट विभागाशी (Department of Post) करार केला आहे. या अंतर्गत कॉमन सर्व्हिस सेंटर डाक मित्र सेवा (Dak Mitra Seva) सुरू करतील.
योजनेअंतर्गत, कॉमन सर्व्हिस सेंटर (CSC) चे ग्रामस्तरीय उद्योजक त्यांच्या भागात स्पीड पोस्ट आणि रजिस्टर पार्सल बुक करतील. यासाठी कॉमन सर्व्हिस सेंटरच्या सेंट्रलाईज्ड डिस्टल सेवा पोर्टलचा वापर केला जाईल.
सीएससीमध्ये बुक होईल स्पीड पोस्ट
या व्यवस्थेअंतर्गत, स्पीड पोस्ट आणि रजिस्टर पार्सल फक्त गावांमध्ये असलेल्या सीएससीमध्ये बुक केले जातील. बुकिंग केल्यानंतर, कॉमन सर्व्हिस सेंटरच्या ग्रामीण उद्योजकांद्वारे स्पीड पोस्ट आणि पार्सल जवळच्या पोस्ट ऑफिसमध्ये वितरित केले जातील. (Dak Mitra Seva)
यामुळे दुर्गम भागात राहणार्या लोकांना स्पीड पोस्ट आणि पार्सल बुकिंगसाठी दूरच्या गावांमध्ये आणि शहरांमध्ये जाण्याची गरज भासणार नाही. ते देशभरात पसरलेल्या 4.5 लाखांहून जास्त कॉमन सर्व्हिस सेंटरला भेट देऊन आपले पार्सल आणि स्पीड पोस्ट बुक करू शकतील.
ग्रामीण भागातील लोकांना फायदा
कॉमन सर्व्हिस सेंटरचे व्यवस्थापकीय संचालक दिनेश त्यागी यांनी सांगितले की,
या सेवेचा प्रामुख्याने ग्रामीण भागातील लोकांना फायदा होईल. यामुळे ग्रामीण भागातील टपाल विभागाचा व्यवसायही वाढेल. लोकांना पार्सल आणि स्पीड पोस्ट बुक करण्यासाठी दूरच्या ठिकाणी जाण्याची गरज भासणार नाही. ते म्हणाले की, हा करार कॉमन सर्व्हिस सेंटर आणि इंडिया पोस्ट या दोघांसाठी फायदेशीर आहे.
यामुळे डाक मित्र सेवेची लोकप्रियता तर वाढेलच पण ग्रामीण भागातील लॉजिस्टिक व्यवसायालाही गती मिळेल. त्यामुळे गावपातळीवर कॉमन सर्व्हिस सेंटर चालवणार्या उद्योजकांनाही उत्पन्नाचा नवा स्रोत मिळणार आहे. तर टपाल विभागाचे उत्पन्नही त्यांच्यामार्फत बुक केलेल्या अतिरिक्त पार्सल आणि स्पीड पोस्टच्या रूपाने वाढणार आहे.
सेल्फ हेल्प ग्रुपला मिळेल गती
ते म्हणाले की, या योजनेमुळे ग्रामीण भागातील बचत गट आणि सूक्ष्म – लघु – मध्यम उद्योगांनाही चालना मिळेल. याद्वारे ते विविध प्लॅटफॉर्मवर आपल्या मालाची विक्री करण्याच्या प्रक्रियेला गती देऊ शकतील. त्यागी म्हणाले की, कॉमन सर्व्हिस सेंटर चालवणारे सर्व ग्रामीण उद्योजक लोकांना त्यांचे सामान पॅक करण्यासाठी मदत करतील. डाक मित्र सेवा ही गेम चेंजर असल्याचे सांगून ते म्हणाले की, ’ग्रामस्वराज’ आणि आत्मनिर्भर भारताचे सरकारचे स्वप्न साकार करण्याच्या दिशेने हे एक पाऊल ठरेल.
Web Title :- Dak Mitra Seva | csc will now be able to do this work of post office their income will increase and people will get convenience
Join our Whatsapp Group, Telegram, and facebook page for every update
- हे देखील वाचा :
- Maharashtra MLC Election 2022 | ‘माझ्यासोबत संजय राऊतांना मतदानाला पाठवा किंवा माझ्या मताचा अधिकारच…’ – आमदार देवेंद्र भुयार
- Jhanvi Kapoor | श्रीदेवीची मुलगी जान्हवी कपूरने घातला इतका ट्रान्सपरंट स्विमिंग सूट, दिसत होता शरीराचा प्रत्येक भाग, पहा Video
- PMSYM Yojana | PM श्रम योगी मानधन योजनेंतर्गत निवृत्तीनंतर दरवर्षी मिळेल भरघोस पेन्शन; जाणून घ्या योजना