नवी दिल्ली : वृत्त संस्था – Covid Vaccine Child Registration | पंतप्रधान नरेंद्र मोदी (PM Narendra Modi) यांनी 3 जानेवारीपासून बालकांसाठी लसीकरणाची घोषणा केली असून, त्याची नोंदणी आजपासून सुरू झाली आहे. मात्र, सध्या ही लस 15 ते 18 वयोगटातील मुलांना दिली जाणार आहे. (Covid Vaccine Child Registration)
या वयोगटातील मुलांना फक्त कोरोनाची लस ’कोव्हॅक्सीन’ दिली जाईल. तुम्ही मुलांसाठी अद्याप नोंदणी केली नसेल, तर तुम्ही CoWIN पोर्टलवर नोंदणी करू शकता. नोंदणीनंतर स्लॉट बुक केला जाईल, त्यानंतर तुम्ही लसीचा डोस घेऊ शकता.
कशाची असेल आवश्यकता
जर तुम्हाला मुलाचे लसीकरण करायचे असेल तर ऑनलाइन रजिस्ट्रेशन करू शकता. यासाठी मुलाचे ओळखपत्र आवश्यक आहे, याशिवाय नोंदणी करता येणार नाही. मोबाईल किंवा लॅपटॉपवरून घरबसल्या ऑनलाइन स्लॉट बुक करू शकता. (Covid Vaccine Child Registration)
Aadhaar कार्ड नसतानाही करू शकता नोंदणी
मुलाचे वय 15 ते 18 दरम्यान असल्यास, आधार कार्ड वगळता ड्रायव्हिंग लायसन्स (driving licence), पॅन कार्ड (pan card) आणि निवडणूक कार्ड (voter card) यासारखी कागदपत्रे नसणे स्वाभाविक आहे. पण आधार कार्ड हे एक असे दस्तऐवज आहे जे नवजात मुलाचे देखील बनवता येते. अशा परिस्थितीत तुमच्याकडे आधार कार्डही नसेल तर काळजी करण्याची गरज नाही. कोविनवर दिलेल्या माहितीनुसार, 15 ते 18 वयोगटातील मुले त्यांचे शाळेचे ओळखपत्र वापरू शकतात.
अशी आहे बुकिंगची प्रक्रिया
लस बुक करण्यासाठी प्रथम CoWIN पोर्टलवर जावे लागेल. यानंतर, कोविनवर नोंदणीकृत नसल्यास, प्रथम नोंदणी करावी लागेल. येथे मुलाचे नाव, वय अशी काही माहिती नोंदवावी लागेल. नोंदणी पूर्ण झाल्यावर मोबाईलवर एक कन्फर्मेशन मेसेज पाठवला जाईल.
त्यानंतर क्षेत्राचा पिनकोड टाकून पुढे जाऊ शकता. यानंतर जवळच्या लसीकरण केंद्राची यादी तुमच्या समोर येईल.
Join our Whatsapp Group, Telegram, and facebook page for every update
आता तारीख आणि वेळ निवडून लशीसाठी स्लॉट बुक करू शकता. लसीकरण केंद्रात जाण्यापूर्वी, ओळखीचा पुरावा आणि सीक्रेट कोडची माहिती द्या. मोफत केले जाईल लसीकरण कोरोनाची लस सरकारी केंद्रांवर दिली जाईल किंवा एखाद्या खाजगी रुग्णालयात बाळाला लस देऊ शकता. शासकीय केंद्रावर बालकांना मोफत लस दिली जाणार आहे. मात्र, खासगी रुग्णालयात लस घेतल्यास पैसे द्यावे लागतील. देशात 15 ते 18 वर्षे वयोगटातील सुमारे 80 दशलक्ष मुले लसीकरणाचा लाभ घेऊ शकतात.
Web Title :- Covid Vaccine Child Registration | registration is starting from today for 15 to 18 year old children you can register even without aadhar card
New GST Rules | GST नियमांची काळजी घ्या ! आजपासून नवे बदल लागू
Pune Corona | पुण्यात गेल्या 24 तासात कोरोनाचे 399 नवे रूग्ण, जाणून घ्या इतर आकडेवारी
Pune Crime | पुण्यात पूर्ववैमनस्यातून अपहरण करून एकाचा खून; मोशीमधील धक्कादायक घटना
