मुंबई : बहुजननामा ऑनलाईन – देशातील कोरोना Coronavirus रुग्णांचा आकडा गेल्या काही आठवड्यांपासून कमी होत आहे. मे महिन्याच्या पहिल्या आठवड्यात देशात दररोज ४ लाखांहून अधिक कोरोना Coronavirus रुग्णांची नोंद झाली होती हाच आकडा दीड लाखांच्या खाली आला आहे. आता देशात आलेली कोरोनाची दुसरी लाट ओसरताना दिसत आहे. मात्र, तिसऱ्या लाटेचा धोका काय आहे हा प्रश्न सर्वांना आहे. अनेक तज्ज्ञांनी याबद्दल धोक्याचा इशारा दिला आहे. तिसऱ्या लाटेचा सर्वाधिक धोका लहान मुलांना असेल अशी भीती व्यक्त करण्यात येत आहे.
कोरोनाच्या तिसऱ्या लाटेसाठी मुंबईत तयारी सुरू झाली आहे. लहान मुलांसाठी बेड तयार केले आहेत. मात्र तिसऱ्या लाटेबद्दल लोकांच्या मनात अनाठायी भीती आहे. पालकांच्या मनात नाहक भीती निर्माण करण्यात आल्याचं मत बालरोगतज्ज्ञ व्यक्त करत आहेत. गेल्या महिनाभरात एकट्या अहमदनगर जिल्ह्यात १० हजारांहून अधिक लहान मुलांना कोरोनाची लागण झाल्यानं प्रशासनाची चिंता वाढली. तिसऱ्या लाटेत मुलांना सर्वाधिक धोका नाही. मात्र तसं वातावरण निर्माण केलं जात असल्याचं मत तज्ज्ञ व्यक्त करताना दिसत आहेत. इंडियन ऍकॅडमी ऑफ पीडियाट्रिक्सनं (आयएपी) तिसऱ्या लाटेचं प्रमुख लक्ष्य लहान मुलं असतील याची शक्यता अतिशय कमी असल्याचं गेल्याच आठवड्यात सांगितलं. कोरोना रुग्णांचा आकडा जास्त असल्यास लहान मुलांचा आकडादेखील तिसऱ्या लाटेत जास्त असेल, असं आयएपीनं म्हटलं आहे. ‘कोरोनाचा जितका धोका वयस्कर व्यक्तींना आहे, तितकाच धोका लहान मुलांना आहे,’ असं लहान मुलांमधील साथीचे रोगतज्ज्ञ डॉ. तनु सिंघल यांनी सांगितलं.
राज्य सरकारच्या माहितीनुसार, एकूण कोरोना रुग्णांमध्ये लहान मुलांचं प्रमाण १० टक्के इतकं आहे. ‘कोरोनाची लागण झालेली ९९ टक्के मुलं घरातच बरी होतात.
गेल्या तीन महिन्यांत १८ वर्षांखालील मुलांना न्युमोनियाची लागण झाल्याच्या केवळ दोन घटना समोर आल्या आहेत,’
असं डॉ. सिंहल यांनी सांनी सांगितलं. सिंहल मुंबईतील कोकिलाबेन रुग्णालयात पूर्णवेळ तज्ज्ञ आहेत.
एका डायग्नॉस्टिक कंपनीनं देशातील अनेक शहरांमध्ये सर्वेक्षण केलं.
त्यात १० ते १७ वयोगटातील एक चतुर्थांश मुलांच्या शरीरात अँटिबॉडीज आढळून आल्या.
मात्र तरीही कोरोनाची लागण झालेल्या अनेकांमध्ये लक्षणं आढळून आली नव्हती.
कृपया हे देखील वाचा:
मुकेश अंबानींचा मोठा निर्णय ! कर्मचार्याच्या मृत्यूनंतर कुटुंबाला 5 वर्ष सॅलरी अन् मुलांना शिक्षण देणार
पतांजलिच्या ‘कोरोनिल’वरुन न्यायालयाने बजावले समन्स; बाबा रामदेव यांच्या अडचणीत वाढ
‘गोल्डमॅन’ दत्ता फुगे यांच्या खून प्रकरणातील आरोपींसह तिघांकडून पिस्तूल आणि काडतुसे जप्त
10 वी च्या परीक्षा होणार नाहीत हे जवळपास निश्चीत, उच्च न्यायालयातील याचिका मागे
महिलांना अश्लील व्हिडीओ दाखवून विनयभंग करणारा चहावाला ‘गोत्यात’; पिंपरीतील घटना