बहुजननामा ऑनलाईन- देशात कोरोना विषाणूची लागण झालेल्या रुग्णांची संख्या 43 लाख इतकी झाली आहे. गेल्या 24 तासांत कोरोनाचे 89 हजार 706 नवीन रुग्ण आढळले आहेत. आतापर्यंत 43 लाख 70 हजार 129 लोकांना कोरोनाची लागण झाली असून गेल्या 24 तासात 1,115 रुग्णांचा मृत्यू झाला.
केंद्रीय आरोग्य मंत्रालयाने म्हटले आहे की देशात दर 10 लाख लोकसंख्येमागे 3,102 रुग्ण आढळले आहेत. ही आकडेवारी जगातील इतर मोठ्या देशांच्या तुलनेत सर्वात कमी आहे. ब्राझीलमध्ये याच लोकसंख्येमागे 19 हजार 514, अमेरिकेत 19 हजार 549, मेक्सिकोमध्ये 4,945, रशियामध्ये 7,063 रुग्ण आढळले आहेत.
India's #COVID19 case tally crosses 43 lakh mark with a spike of 89,706 new cases & 1,115 deaths reported in the last 24 hours.
The total case tally stands at 43,70,129 including 8,97,394 active cases, 33,98,845 cured/discharged/migrated & 73,890 deaths: Ministry of Health pic.twitter.com/a3xVEkeo0O
— ANI (@ANI) September 9, 2020
मंगळवारी महाराष्ट्रात 20 हजार 132 नवीन रुग्णांची नोंद झाली आणि 380 लोकांचा मृत्यू झाला. यासह आता मृतांची संख्या वाढून 27 हजार 427 झाली आहे. आतापर्यंत 9 लाख 43 हजार 772 लोकांना संसर्ग झाला आहे. त्यापैकी 6 लाख 72 हजार 556 लोक बरे झाले आहेत. तर राज्यातील मृत्यू दर 2.9% इतका आहे.
मंगळवारी राजधानी दिल्लीत कोरोनाचे 3,609 नवे कोरोना रुग्ण आढळले. आतापर्यंत 1,97,135 लोकांना कोरोनाची लागण झाली आहे. गेल्या 24 तासांत 19 रुग्णांचा मृत्यू झाला, तर एकूण मृत्यूची संख्या 4,618 आहे. आतापर्यंत, कोरोनामधून एकूण 1,70,140 लोक बरे झाले आहेत. दिल्लीत संसर्ग दर 10.66 टक्क्यांवर गेला आहे, तर रिकव्हरी रेट 86.3% आहे.
मंगळवारी बिहारमध्ये कोरोनाचे 1,667 नवीन रुग्ण आढळले. यासह राज्यात कोरोना रुग्णांची संख्या वाढून 1 लाख 50 हजार 694 झाली. यापैकी 1 लाख 34 हजार 89 लोक बरे झाले आहेत, तर 15 हजार 839 रुग्ण ऍक्टिव्ह आहेत. आत्तापर्यंत संसर्गामुळे 765 लोकांचा मृत्यू झाला.
उत्तर प्रदेशात गेल्या 24 तासात 73 रुग्णांचा कोरोनामुळे मृत्यू झाला. तेथे 6,743 नवे रुग्ण आढळले आहेत. मृतांची संख्या वाढून 4,047 झाली आहे. सध्या 63 हजार 266 रुग्णांवर उपचार सुरू आहेत. आत्तापर्यंत 2 लाख 11 हजार 170 रुग्ण बरे झाले आहेत.
5 कोटींपेक्षा जास्त कोरोना चाचण्या
इंडियन कौन्सिल ऑफ मेडिकल रिसर्चच्या (आयसीएमआर) मते 8 सप्टेंबरपर्यंत कोरोना विषाणूच्या एकूण 1 दशलक्ष चाचण्या करण्यात आल्या असून त्यापैकी 11 लाख नमुन्यांची काल चाचणी घेण्यात आली. रिकव्हरी रेट 7 टक्क्यांपेक्षा कमी आहे.
मृत्यू दर कमी, रिकोव्हरी रेट वाढला
मृत्यूची संख्या आणि सक्रिय रुग्णांच्या दरात सातत्याने घट नोंदविली जात आहे ही दिलासादायक बाब आहे. मृत्यूची संख्या 1.69% वर घसरली. या व्यतिरिक्त, उपचार घेत असलेल्या रुग्णांचे प्रमाणही 21% पर्यंत खाली आले आहे. रिकव्हरी रेट 78% इतका आहे.
जगातील कोरोना बाधित देशांमधील एकूण संक्रमण आणि मृत्यू
वर्ल्डमीटरने दिलेल्या माहितीनुसार, अमेरिकेतील कोरोना विषाणूच्या रुग्णांची संख्या 9 सप्टेंबरला 65 लाख 14 हजारांवर पोहोचली, त्यापैकी 1 लाख 94 हजाराहून अधिक लोकांचा मृत्यू झाला आहे. भारतात 43 लाख लोकांना कोरोनाची लागण झाली, ब्राझीलमध्ये रुग्णांची संख्या वाढून 41 लाख 65 हजार झाली असून एक लाख 27 हजारांहून अधिक लोकांचा मृत्यू झाला आहे. ब्राझीलमध्ये मृत्यूचे प्रमाण सर्वाधिक आहे. तिन्ही देशांमधील मृत्यूचे प्रमाण अनुक्रमे 2.7%, 1.69% आणि 6.06% असा आहे