पुणे : बहुजननामा ऑनलाईन – शहरात गेल्या 24 तासात कोरोनाचे 153 नवे पॉझिटिव्ह आढळून आले असून कोरोनामुळं चौघांचा मृत्यू झाला आहे. पुण्याबाहेरील एकाचा आज पुण्यात कोरोनामुळं मृत्यू झाला आहे. आतापर्यंत कोरोनामुळं पुण्यात तब्बल 4 हजार 385 जणांचा बळी गेला आहे. आज दिवसभरात 222 रूग्ण उपचारानंतर बरे झाले असून त्यांना रूग्णालयातून डिस्चार्ज देण्यात आला आहे.
सध्या पुण्यातील कोरोनाबाधितांची संख्या 1 लाख 64 हजार 742 वर जाऊन पोहचली आहे. सर्वात दिलासादायक गोष्ट म्हणजे आतापर्यंत तब्बल 1 लाख 56 हजार 140 रूग्ण उपचारानंतर बरे झाले असून त्यांना हॉस्पीटलमधून डिस्चार्ज देण्यात आला आहे. सध्या पुण्यात कोरोनाचे 4 हजार 217 रूग्ण अॅक्टीव्ह आहेत. एकुण अॅक्टीव्ह रूग्णांपैकी 349 रूग्ण हे क्रिटिकल असून त्यापैकी 227 जणांचा व्हेंटिलेटरवरून उपचार दिले जात आहेत. कोरोनाचा प्रादुर्भाव रोखण्यासाठी नागरिकांनी घराबाहेर पडताना मास्क परिधान करावे तसेच सोशल डिस्टेन्सिंगच्या नियमांचं पालन करावं असं आवाहन प्रशासनाकडून वेळावेळी करण्यात आलं आहे.