नवी दिल्ली : वृत्तसंस्था –दिल्ली विधानसभा निवडणुकीच्या पार्श्वभूमीवर राजकीय वातावरण चांगलेच तापले असून सर्वच पक्ष प्रचाराच्या कामाला लागले आहेत. पुन्हा एकदा दिल्लीत विधानसभेत आपले अस्तित्व सिद्ध करण्यासाठी काँग्रेसनेही आप आणि भाजपाविरूद्ध कंबर कसली आहे. या निवडणुकीच्या प्रचारासाठी काँग्रेसने आता स्टार प्रचारकांची यादी प्रसिद्ध केली असून यामध्ये माजी क्रिकेटपटू आणि काँग्रेसचे आमदार नवजोतसिंग सिंद्धू यांच्या नावाचा समावेश केला आहे.
सिद्धूसोबत शत्रुघ्न सिन्हा, सिंधिया
काँग्रेसने दिल्लीच्या विधानसभा निवडणुकीत सिद्धू यांना मोठी जबाबदारी दिली आहे. स्टार प्रचारकांच्या यादीत सिद्धू यांच्यासह काँग्रेस महासचिव प्रियंका गांधी आणि माजी पंतप्रधान डॉ. मनमोहन सिंह, शत्रुघ्न सिन्हा, उदित राज, कीर्ती आझाद, ज्योतिरादित्य सिंधिया, शर्मिष्ठा मुखर्जी आणि रागिनी नायक यांचीही नावे आहेत. तसेच काँग्रेस अध्यक्षा सोनिया गांधी आणि काँग्रेस नेते राहुल गांधी यांचेही नावे आहेत.
ज्येष्ठ नेतेही स्टार प्रचारक
लोकप्रिय चेहर्‍यांसोबत काँग्रेसच्या ज्येष्ठ नेत्यांनाही स्टार प्रचारकांच्या यादीत काँग्रेसने स्थान दिले आहे. यामध्ये प्रामुख्याने कपिल सिब्बल, हरयाणाचे माजी मुख्यमंत्री भूपेंदरसिंग हुड्डा, उत्तराखंडचे मुख्यमंत्री हरीश रावत, मध्य प्रदेशचे मुख्यमंत्री कमलनाथ, पंजाबचे मुख्यमंत्री कॅप्टन अमरिंदरसिंह आणि राजस्थानचे मुख्यमंत्री अशोक गेहलोत यांचीही नावे आहेत.
Visit : bahujannama.com
