मुंबई : बहुजननामा ऑनलाईन – आयएनएक्स मीडिया घोटाळ्यात प्रमुख आरोपी असलेले माजी केंद्रीय अर्थमंत्री पी. चिदंबरम यांच्यावर अटकेची तलवार लटकते आहे. चिदंबरम यांना तूर्तास दिलासा मिळाला नसून, हे प्रकरण न्यायाधीश रमन्ना यांनी सरन्यायाधीशांकडे पाठवण्याचा सल्ला दिला आहे. अशी चर्चा समोर आली आहे की, आयएनक्स मीडियाचे प्रमोटर इंद्रायणी मुखर्जी आणि पीटर मुखर्जी यांनी दिलेल्या साक्षीमुळे चिदंबरम अडचणीत आले असून त्यांना त्यांच्या साक्षीमुळेच त्यांना अटक होईल.
आयएनएक्स मीडिया घोटाळ्याप्रकरणी इंद्रायणी मुखर्जी आणि पीटर मुखर्जी यांची चौकशी ईडीने केली आहे. इंद्रायणी मुखर्जीने दिलेल्या माहितीनुसार आयएनएक्स मीडियाच्या प्रकल्पाला फॉरेन इन्व्हेस्टमेंट प्रमोशन बोर्डाची मंजुरी मिळत नव्हती. यासंदर्भात नॉर्थ ब्लॉकला जाऊन मुखर्जी दाम्पत्याने पी. चिदंबरम यांची भेट घेतली होती. चिदंबरम यांनी आश्वासन दिले होते की, माझ्या मुलाला व्यापारात मदत करा, मी आयएनएक्सला मंजूर मिळवून देतो. मात्र इंद्रायणी मुखर्जीने सांगितलं नव्हता की, चिंदबरम यांनी किती रकमेची लाच घेतली होती.
नंतर दिल्लीतील एका आलिशान हॉटेलमध्ये कार्ती चिदंबरमला मुखर्जी दाम्पत्य भेटलं होतं. तेव्हा आयएनएक्सचा तिढा सोडवण्यासाठी चिदंबरम यांचे पुत्र कार्तीने १० लाखांची लाच मागितली होती. तसंच त्याच्या विदेशी बँकेतील खात्यात ही रक्कम जमा करावी अशी विनंती ही केली होती. तसंच ही रक्कम जमा करण्याचे इतरही मार्ग सुचवले होते, अशी माहिती इंद्रायणी मुखर्जीने दिली होती. या साक्षीनंतर चिदंबरम यांचा जामीन अर्ज फेटाळण्यात आला. एव्हिएशन गैरव्यवहारप्रकरणीही चिदंबरम यांची ईडीने चौकशीही केली आहे.