खम्मम (तेलंगणा) : वृत्तसंस्था – देशात कोरोनाचा कहर सुरु असतानाच अनेक राज्यांत वादळी वार्यासह पाऊस कोसळत आहे. वार्यामुळे चक्क एक बस मागे-मागे सरकल्याचा व्हिडिओ व्हायरल झाला आहे. तेलंगाणाच्या खम्मम भागात नागरिकांनी वार्यामुळे बस मागे सरकत असल्याचे पाहिले आहे.
खम्मममध्ये सत्तूपल्ली परिसर असून तिथे वार्यामुळे एक प्रवासी बस रस्त्याच्या कडेला उभी होती. सर्व प्रवासी खाली उतरले होते. हवामानाच्या बदलामुळे मोठ्या वेगाने वारे वाहू लागले. या वार्याचा वेग इतका होती की बससुद्धा जागेवरून मागे मागे सरकली. ड्रायव्हर नसतानाही बस मागे सरकताना पाहून प्रवाशांना पुरता घाम आला. याचा व्हिडिओ सध्या सोशल मीडियावर व्हायरल होत आहे. वार्यामुळे कशा प्रकारे बस मागे सरकत आहे. अखेर बरीच मागे आल्यानंतर ही बस एका झाडाला जोरात आदळली आणि तिथेच थांबली. वार्याचा वेग जास्त असल्यामुळे नागरिकांमध्ये भीतीचे वातावरण आहेत. एककीडे अवकाळी पाऊस तर दुसरीकडे देशावर अम्फान चक्रीवादळाचा देखील धोका आहे. त्यातच अशा घटनांमुळे नागरिकांमध्ये भीतीचे वातावरण आहे.