नवी दिल्ली : वृत्तसंस्था – AICTE ने मास्टर ऑफ कॉम्प्यूटर अॅप्लिकेशन्स (एमसीए) करणाऱ्या विद्यार्थ्यांना मोठा दिलासा दिला आहे. एआयसीटीईने आपल्या अधिकृत ट्विटर हँडलवरून एमसीए कोर्सची तीन वर्षाची मुदत दोन वर्षांपर्यंत कमी केल्याची माहिती दिली. डिसेंबर 2019 मध्ये झालेल्या विद्यापीठ अनुदान आयोगाच्या (यूजीसी) 545 व्या बैठकीत हा निर्णय घेण्यात आला आहे. 2020-21 शैक्षणिक सत्रापासून दोन वर्ष एमसीए शिकवले जाईल.
Important Announcement @ #AICTEdge:
Change in the duration of #MCA Program from 3 years to 2 years w.e.f. 2020-21 has been approved.
Details: https://t.co/HokQ2EJ8ZN@HRDMinistry @DrRPNishank @SanjayDhotreMP @PIBHRD @mygovindia @ugc_india #AICTE pic.twitter.com/t3VvJn29EI
— AICTE (@AICTE_INDIA) July 7, 2020
अधिकृत अधिसूचनेनुसार, ज्या विद्यार्थ्यांनी बीसीए / बॅचलर डिग्री किंवा संगणक विज्ञान अभियांत्रिकीमध्ये समकक्ष पदवी किंवा बीएससी / बीकॉम / बीए. किंवा गणिताच्या विषयासह 10 + 2 किंवा पदवी स्तरावर (संबंधित विद्यापीठाच्या निकषानुसार अतिरिक्त ब्रिज अभ्यासक्रमासह) एमसीए अभ्यासक्रमाच्या किमान 55% गुण (राखीव प्रवर्गातील उमेदवारांच्या बाबतीत 45% गुण) मिळविणारे उमेदवार अर्ज करण्यास पात्र आहेत.
अधिकृत अधिसूचनेनुसार, “संबंधित बाबींच्या अनुषंगाने, एमजीए प्रोग्रामच्या आवश्यक कालावधीत आवश्यक दुरुस्त्या यूजीसीच्या निर्णयानुसार आणि एआयसीटीई एपीएचमधील तरतुदीनुसार सन 2020-21 साठी करता येतील.”