यवतमाळ : बहुजननामा ऑनलाइन – महाराष्ट्र बेलदार समाज महासंघ राज्य शाखा व यवतमाळ जिल्हा शाखेच्या वतीने बेलदार समाजाच्या राज्यस्तरीय संमेलनाचे आयोजन राजा भगीरथ भवन येथे करण्यात आले. यामध्ये राजा भगीरथ जयंती, उपवर-वधू परिचय मेळावा, गुणवंत विद्यार्थी व सेवानिवृत्तांचा सत्कार करण्यात आला.
या कार्यक्रमाचे उद्घाटन पुरुषोत्तम उदकवार, राम मोदगंटे यांच्या हस्ते करण्यात आले. प्रमुख अतिथी म्हणून कोंडाराम बुरपुल्ले, जानकिराम पांडे, विनायक मोदगंटे, नानासाहेब ताटेवार, प्रभाकर तेल्कापल्लीवार, डॉ. रमाकांत इटेवार, अरुण बेंद्रे, राजू काटपल्लीवार, नारायण चलपेलवार हे होते. महिलांचा हळदी-कुंकवाचा कार्यक्रम घेऊन समाज प्रबोधन करण्यात आले. या कार्यक्रमाचे संचालन जाम्बुवंत कुरमेलवार, देवेंद्र बच्चेवार यांनी केले. आभार व मार्गदर्शन डॉ. राजू ताटेवार यांनी केले. कार्यक्रम यवतमाळ जिल्हा कार्यकारिणीचे अध्यक्ष भगवान प्यारलेवार, सचिव बाबाराव ताटेवार व जिल्हा कार्यकारिणीचे कार्यकर्त्यांच्या परिश्रमातून यशस्वी करण्यात आला.
