नवी दिल्ली : वृत्तसंस्था – सणासुदीच्या काळात रोख रक्कम मिळाल्यानंतरही कर्जाची आवश्यकता असते. वास्तविक, बर्याच वेळा खरेदीची यादी इतकी मोठी होते कि घरात काहीतरी नवीन खरेदी करण्यासाठी कर्जाची आवश्यकता असते. जर आपणही या काळात कर्जाच्या शोधात असाल तर ही संधी गमावू नका. SBI , PNB अनेक मोठ्या बँका आजपासून ‘लोन फेअर’च्या दुसर्या टप्प्यात वेगवेगळ्या भागात शिबिरे लावून कर्जाचे वितरण करत आहेत . शिबिरामध्ये कर्जाव्यतिरिक्त बँकिंग सुविधा देखील उपलब्ध होणार आहे. या संदर्भात, स्टेट बँक ऑफ इंडियाकडून म्हंटल्याप्रमाणे कर्ज फेअरमध्ये ग्राहक वैयक्तिक कर्ज, कृषी कर्ज, दुचाकी कर्ज, कार कर्ज आणि गृह कर्जासाठी अर्ज करु शकतात.
एसबीआयने लोन फेअर संदर्भात एक लिंक शेअर केली आहे. या लिंकमध्ये कर्ज शिबिराच्या १४८ जागांची लिस्ट देण्यात आली होती. Https://bank.sbi/portal/web/customer-care/customer-meet-2019 वर क्लिक करुन हे पाहिले जाऊ शकते.वस्तुतः अर्थव्यवस्थेला चालना देण्यासाठी सरकारने नुकताच लोन फेअर सुरू केला आहे. शेतकरी, उद्योजक आणि इतर गरजू लोकांना सहज कर्ज उपलब्ध करुन देण्याचे उद्दीष्ट आहे. हे लोन फेअर २५ ऑक्टोबरपर्यंत चालणार आहे.
या लोन फेअरमध्ये SBI, PNB , बँक ऑफ महाराष्ट्र, बँक ऑफ इंडिया, आंध्र बँक आणि अलाहाबाद बँक, बँक ऑफ बडोदा, युनियन बँक ऑफ इंडिया, युको बँक, सिंडिकेट बँक, कॅनरा बँक, ओरिएंट बँक ऑफ कॉमर्स, युनायटेड बँक ऑफ इंडिया, भारतीय ओव्हरसीज बँक, पंजाब आणि सिंध बँक, सेंट्रल बँक ऑफ इंडिया, इंडियन बँक या बँकांचा समावेश आहे.उल्लेखनीय बाब म्हणजे, अलीकडेच वित्त मंत्रालयाकडून सांगण्यात आले होते की ९ दिवसांच्या काळात कर्ज मेळ्यात ८१,७८१ कोटी रुपयांचे कर्ज वाटप केले गेले. या दरम्यान, नवीन उद्योजकांना ३४, ३४२ कोटी रुपयांची तरतूद केल्याची माहिती मिळाली.
Visit : bahujannama.com