अमृतसर बहुजननामा : हेरॉईन आणि इतर अंमली पदार्थांची तस्करी करणाऱ्या पोलिसाने स्वतःवर गोळी घालून आत्महत्या केली. अवतार सिंग असे या पोलिसांचे नाव आहे. संबंधित पोलीस हा अमृतसर मधील अटारी बॉर्डरवर तैनात होता. त्याला हेरॉईन आणि इतर अमली पदार्थांची तस्करी करण्याच्या प्रकरणात सोमवारी अटक करण्यात आली होती. घटना घडलेल्या दिवशी अवतार सिंग आणि त्याच्या साथीदार जोरावर सिंग यांनां पोलिसांनी कोर्ट मध्ये सादर करण्यात येणार होते.
मिळालेल्या माहितीनुसार, अटक केल्यांनतर अवतार सिंग याने मंगळवारी एके ४७ ने रायफल घेऊन स्वतः वर गोळी झाडली. दुसरा आरोपी देखील घटनास्थळी दाखल होता. दरम्यान स्पेशल टास्क फोर्स ने सोमवारी रात्री उशिरापर्यंत अटारी सेक्टर येथील घरिंडा पोलीस स्टेशन मधून या दोन्ही आरोपींना हेरॉईन आणि इतर अंमली पदार्थ्यांच्या तस्करी साठी ताब्यात घेतले होते.
अवतार सिंग हा आरोपी अमृतसर येथील छरहटा येथील राहणार आहे, तर जोरावर सिंग हा अंचित पूर येथील रहिवासी आहे. दोघेही खूप दिवसांपासून या अंमली पदार्थांची तस्करी करत होते. दरम्यान अमृतसर पोलिसांनी या घटनेचा छडा लावण्याचे आदेश दिले आहे. घटनेच्या दिवशी दोन्ही आरोपींना कोर्टात हजर करण्यात येणार होते. ५३२ किलो हेरॉईन तस्करी च्या प्रकरणात त्यांना अटक करण्यात आली होती. या प्रकणातील मुख्य आरोपी गुरपिंदर सिंग याचा २१ जुलै रोजी न्यायालयीन कोठडीतच मृत्यू झाला होता.
