नोएडा : वृत्त संस्था – बिहारच्या मुजफ्फरपूरमध्ये राहणार्‍या 17 वर्षीय अल्पवयीन मुलीला प्रेम करण्याची मोठी शिक्षा मिळाली आहे. अल्पवयीन मुलीने ज्या व्यक्तीवर प्रेम करून विवाहाची स्वप्ने पाहिली होती, त्यानेच तिला वेश्या व्यवसायात ढकलले. इतकेच नव्हे, मुलीच्या प्रियकराने तिला कॉल गर्ल बनवून जबरदस्तीने शोषणसुद्धा केले. या प्रकरणाची माहिती मिळाल्यानंतर नोएडा पोलिसांनी तरुणीला एका हॉटेलमधून ताब्यात घेतले आहे आणि सध्या तिला महिला सुधारगृहात ठेवले आहे.
बॉयफ्रेंड स्वत: आणत होता गिर्‍हाईक
दिल्लीत आल्यानंतर या मुलीच्या पाया खालची वाळू सरकली. इथे येताच तिचा प्रियकर स्वत:च गिर्‍हाईकांची बुकिंग करू लागला. यासाठी त्याने नोएडामध्ये एक गेस्ट हाऊससुद्धा भाड्याने घेतले आणि अन्य दोन तरुणांसोबत मिळून येथे देहविक्रीचा धंदा करू लागला. याचा खुलासा तेव्हा झाला जेव्हा नोएडा पोलिसांनी हॉटेलवर छापा मारून अल्पवयीन मुलगी आणि तिच्या प्रियकरासह इतर आरोपींना पकडले. हा तरुण मागील सुमारे दोन महिन्यांपासून मुलीकडून हे काम करून घेत होता.
मुलीच्या कुटुंबीयांना कळवले
अल्पवयीन मुलगी सेक्स रॅकेटमध्ये पकडली गेल्यानंतर पोलिसांना तिची खरी हकिकत समजली, तेव्हा पोलिसांनी याची माहिती मुजफ्फरपूरमध्ये तिच्या कुटुंबीयांना दिली. पोलिसांचे म्हणणे आहे की, कुटुंबीय समोर आल्यानंतरच या प्रकरणाची सत्यता समोर येईल. सध्या तरुणी महिला सुधारगृहात आहे आणि तिचा प्रियकर जेलमध्ये आहे.
सेक्टर-24 पोलीस ठाण्याच्या हद्दीतील सेक्टर-12 येथील एका गेस्ट हाऊसवर 27 फेब्रुवारीला पोलिसांनी छापा टाकून सेक्स रॅकेट उघड केले होते. पोलिसांनी घटनास्थळावरून तीन संचालकांसह सात तरुण आणि चार तरुणींना पकडले होते. सहारनपूर येथे राहणारा विशाल कम्बोज, बिहारचा राजन आणि हरियाणातील फरीदाबाद येथील विपूल 6 महिन्यांपासून गेस्ट हाऊस भाड्याने घेऊन देहविक्रीचा व्यापार करत होते.
