नवी दिल्ली : वृत्तसंस्था – 7th Pay Commission | डिसेंबर 2021 साठी AICPI डेटा जारी करण्यात आला आहे, ज्यामुळे आता निश्चित झाले आहे की, केंद्रीय कर्मचार्यांच्या पगारात 3 टक्के DA चा लाभ लवकरच मिळणार आहे. काही रिपोर्ट सांगतात की, मार्चमध्ये होळीच्या वेळी केंद्रीय कर्मचार्यांना ही वाढ मिळू शकते. मात्र, केंद्र सरकारच्या कर्मचार्यांच्या (Central Government Employees) महागाई भत्त्यात (Dearness Allowance) वाढ करण्याबाबत सरकारकडून काहीही सांगण्यात आलेले नाही. (7th Pay Commission)
AICPI डेटा पाहिला तर, 2022 मध्ये या वर्षी 3 टक्के DA ची वाढ निश्चित आहे. मात्र सरकार कधी निर्णय घेणार हे अवलंबून आहे. सध्या कर्मचार्यांना 31 टक्के डीए दिला जात असून, त्यात 3 टक्क्यांनी वाढ होऊन तो 34 टक्के होईल. कामगार मंत्रालयानुसार, डिसेंबर 2021 मध्ये AICPI-IW मध्ये वाढ झाली आहे. यामुळे तो वाढून 125.4 झाला आहे. त्यामुळे कर्मचार्यांचा DA 31 टक्क्यांवरून 34 टक्क्यांपर्यंत वाढणार असल्याचे मानले जात आहे.
DA कधी बदलतो ?
महागाई भत्त्याबाबत बोलायचे तर कर्मचार्यांना महागाईपासून दिलासा देण्यासाठी महागाई भत्ता दिला जातो. हा भत्ता सरकारी कर्मचारी, पेन्शनधारक आणि सार्वजनिक क्षेत्रातील कर्मचार्यांना दिला जातो. महागाई भत्ता देण्यामागचे कारण म्हणजे कर्मचार्यांना महागाईत सामान्य जीवन जगताना कोणत्याही प्रकारची गैरसोय होऊ नये. सामान्यत: महागाई भत्ता Dearness Allowance दर 6 महिन्यांनी जानेवारी आणि जुलैमध्ये बदलला जातो. (7th Pay Commission)
यांना मिळेल वार्षिक 90 हजार रुपयांचा लाभ
3% डीए वाढवण्याची घोषणा झाल्यास कर्मचार्यांना पगारात मोठा दिलासा मिळणार आहे.
जर एखाद्या कर्मचार्याचा मूळ पगार दरमहा 30,000 रुपये असेल तर त्याच्या पगारात दरमहा 900 रुपयांची वाढ होईल.
म्हणजेच एका वर्षात 10,800 रुपये नफा होईल.
त्याचबरोबर कॅबिनेट सचिव स्तरावरील अधिकार्यांच्या पगारात दरमहा 7500 रुपयांची वाढ होणार आहे. म्हणजेच त्यांचा वार्षिक हिशेब काढला तर 90 हजार रुपये पगारात फायदा होईल.
कशी होते DA ची गणना
महागाई भत्त्याची टक्केवारी = गेल्या 12 महिन्यांतील CPI च्या सरासरी – 115.76. यानंतर, एकूण 115.76 ने भागले जाईल. आता निकाल येईल त्यास 100 ने गुणाकार केला जाईल.
Web Title :- 7th Pay Commission | 7th pay commission latest news da of central employees may soon increase by three percent benefit up to rs 90000 annually
Join our Whatsapp Group, Telegram, and facebook page for every update
High BP Symptoms | हाय ब्लड प्रेशरच्या ‘या’ 7 वॉर्निंग साईनकडे करू नका दुर्लक्ष; जाणून घ्या